طارط بالخوخ 

كنحتاجو عجين متكسر او باط بريزي راها معروفة و كنسرحوها فالمول و نتقبوها بالفورشيط

العجين المرمل:

200غ طحين + 100غ زبدة + 70غ سكر + بيضة

نخلطو السكر و الزبدة نزيد الطحين حتى يولي مرمل و نجمعها بالبيض و ندخلها للتلاجة 30 دقيقة

كنديرو ورق الزبدة و شوية اللوبيا و ندخلوها للفران طيب و تتحمر

ثم كنوجدو كريم باتيسير و كنضيفو عليها 8 مربعات كيري

القياس الي بغيتي وممكن ديري نصف لتر حليب مع 2 معالق كبار ديال غبرة الكريمة و 4 معالق كبار سنيدة

و طيبيها حتى تعقاد وغير توجد ديري فوق منها مباشرة ورق السولوفان يعني منو ليها لاصق فالكريمة باش مديرلكش القشرة

 وكنخلطوها مزيان وكنسرحوها فوق الطارط ملي تبرد

ونستفو الخوخ المعلب بهاد الشكل وبالصحة و الراحة