مملحات لديدة وراقية

مملحات لذيذة وراقية

المقادير و الطريقة مع الصور : 

500 غرام فورص
4 فرمجات لفاش كيري
كاس زبدة دايبة
معلقة كبيرة معمراش موطارد
نص خمارة حمرة
ملح وبزار حسب الدوق
معلقة كبيرة خل

كنعجنو لعجين بالماء عادي او دافئ

و نقسمها كورات ونخليها تراح شوية

خليت لعجينة ترتاح و وكنت موجدة داكشي باش غدي نزوق

اللوز محمر في الفران
شوية ديال جنجلان محمر
شوية ديال حبة سوداء
شوية لوز مهرمش
و فرماج حمر محكوك
و صفر بيضة مخفوقة
و مطابع وجرارة باش نقطع

الطريقة

انا درت عدة اشكال غدي نوريكم البعض منها حتى نتوما تقدر تفنو في الاشكال كيف بغيتو راه لعجينة بنينة وكتجي هشيشة 

ملاحضةمتحتاجوش ترشو طحين عاد طلقو لعجينة

الشكل الاول 

سرحت لعجينة و ستفت لويزات و خطيت بلعجينة و بركت بلطف على الجوانب باش متحلش لعجينة و قطعت بجرارة و دهنت بصفر البيض ورشيت بالفرماج و دخلتو يطيب
المهم الصور غدي توضح كلشي

الشكل التاني 
بنفس الطريقة غير انا استعملت طابع بحال وردة ورشيت بزنجلان و الحبة سوداء

الشكل الثالت 

درتو بحال الفراشة مدرتش فيه لوز و دهنتهم باصفر البيض و زوق بالفرماج والحبة سوداء

وطيبتهم في فران ساخن كيخدو عشرة دقايق اقل او اكتر على حساب الفران
انا فراني ديال ضو صغير كنسخنو على 180 درجة و كيكون شاعل من فوق ولتحت وكيخد كيف قلت شي عشر دقائق لا اكتر

بالصحة و الراحة "منقول"