صوص بولونيز بطريقتي

المقادير و الطريقة مع الصور : 

فطنجرة درت بصلة صغيرة مشلدة مع شوية التومة شحرتهوم مع شوية زيت بلدية و البصلة غير تدبال متحمرش باش مطلقش المرورة

من بعد زدت 250 غ كفتة بالعطرية ديالها و بديت نفرتتها

وهاهي الكفتة ممعوكة مزيان و زدت عليها شوية المعدنوس

من بعد خديت باكية ديال صوص صوليص و درتها كلها

هاهو الخليط كيف كيكون ممكن الي بغا يزيد خيزو محكوك رقيق مع الخليط كيجي رائع

وكنخلي لاصوص طيب على المهل لمدة 10 دقائق

من بعد كنزيد شوية الزعتر محكوك و حتى ورقة سيدنا موسى انا مكانتش عندي و نخليها طيب على خاطرها

وهاهي واجدة ورائعة

وصلقت ليباط نوع كوكياج و زدتها على الصوص ممكن مديروش هاد العملية و تخليو كل حاجو وحدها فالتقديم

بالصحة و الراحة