السفة بمداق بسطيلة الدجاج

***السفة بمداق بسطيلة الدجاج***

*طريقة تحضير السفة بمداق بسطيلة الدجاج

شعرية السفة نديروها فقصرية وتدهن بالزيت نفوروها فالكسكاس مزيان

مللي تفور نضعها فالقصرية ونكبو عليها الماء الطايب ونحلوها باليد نرجعوها للكسكاس للمرة التانية تم نعيد رشها بالماء الساخن نخليوها تشرب شوية تم نعاودو نفوروها للمرة الثالثة

مللي تفور نحطوها فالقصرية ونديرو ليها شوية من مرقة الدجاج والسكر الكلاصي ونحركوا حتى تتشرب الزبدة والسكر

في نفس الوقت للي تانوجدو فيها السفة نضع دجاجة متوسطة مع 2 بصلات مشلظين والقليل من الزيت النباتي والملح والابزار وسكينجبير واعواد القرفة وزعفران شعرة والخرقوم البلدي

نخليو الدجاجة تتشحر من بعد نزيدو القزبر والمعدنوس مقطع على الدجاجة نمرقو الكوكوت

مللي تطيب الدجاجة نزولوها من الكوكوت ونزولو ليها العضم ونفرتوها شرائح ونحتفظ بالقليل من مرق الدجاج

عاد نشحرو المرقة مزيان تاتولي خاترة من بعد نهرسو البيض ونحركوه مزيان مع البصلة للي عندنا

زلافة متوسطة ديال اللوز مصلوق ومقلي نطحنوه مع سنيدة (يكون غير مهرمش ) ونحتفظ ببضع حبات صاينين للتزيين ناخد طبق التقديم ونضع طبقة اولى من السفةتم طبقة من البصلةوالبيض تم طبقة من السفةتم اللوز و الدجاج نغطي الكل بطبقة من السفة تم نزين الطبق حسب الرغبة (بقطع من البيض المصلوق واللوز الصاين للي احتفضنا بيه)