كيكة بلا فران فآلة الماضلين

 المقادير : 

4 بيضات

كاس سنيدة +ملح +كاس زيت + كاس حليب +فاني + خميرة حمراء +3 كيسان دقيق اقل او اكثر على حسب الطحين

كندير البيض و الملح و فاني

ونطرب مزيان مزيان

كنزيد سنيدة

الزيت مع التطراب

الحليب

ثم الدقيق كنغربلو و كنخلط كاس بكاس و فالاخير الخميرة

وهاهو الخليط وجد

من بعد كنقص شوية و كندير صاشي ديال الشكلاط غبرة

وهاهو وجد

كنسخن الالة حتى تشعل اخضر

و كنكب مقدار معلقة كبيرة عامرة المهم عند الحد ديالها متفوتوش اكثر

وكندير شوية من خليط الشكلاط من فوق الابيض و الباقي خليتو شكلاط

وكنسد عليها طيب تقريبا 2 دقايق و نفتح نشوف واش طابت كندير راس الموس باش يلا كانت باقية شوية خضرة زيديها شي دقيقة

وهاهي ملي كتكون طايبة كتحمر

وكنحطهوم فوق كلينكس

وضروري تغطيوها باش متيبش وانا كنديرها فبلاستيكة ملي كنسالي باش ترطاب و من بعد كتبقى هشيشة وغزالة

وهاهي ملي كملتها هاد الخليط كيعطي تقريبا 29 حبة

بالصحة و الراحة