الفول مدروز او زعلوك الفول

المقادير و الطريقة مع الصور : 

كناخد الفول يكون طري بزاف والحبة صغيرة و كنفزكو فالما حتى يدوب التراب و يتغسل مزيان

 كنقيه و كنحيد الجناب و نقصمو على 2 حتى

من بعد كنديرو فالكسكاس مع التومة ونبخرو 15 دقيقة

من بعد كنقلبو فقصعة

وناخد قرعة و نبدى نمعك مزيان حتى يولي فحال زعلوك

وانا كنمعك كنزيد القسبور مقطع و نضيف التومة الي طابت معاه

ولكن كنزيد شوية التومة طريقة باش يبان المداق ديالها

من بعد كنديرو فمقلة و كنزيد زيت بلدية و كامون و سودانية و الملح

و نخلط مزيان حتى يتشرب كلشي

وهاهو واجد

وزينتهم بالزيتون الحامض

بالصحة و الراحة